முதன்மை உள்ளடக்கத்திற்குச் செல்

TAMIL Eelam news b521

இந் நாட்டின் மிகவும் பிரபல கலைஞர்களில் ஒருவரான Bert Newton காலமானார்
விருது பெற்ற தொலைக்காட்சி நிகழ்ச்சித் தொகுப்பாளரும் கலைஞருமான Bert Newton நேற்று, சனிக்கிழமை காலமானார். அவருக்கு வயது 83. தொலைக்காட்சி தொகுப்பாளராகப் பல விருதுகளைப் பெற்ற Bert Newton, சில வருடங்களாக உடல் நலம் குன்றியிருந்தார். நீரிழிவு நோயால் பாதிக்கப்பட்டிருந்த அவருக்கு 2012ஆம் ஆண்டு மாரடைப்பு ஏற்பட்டதால் இதய அறுவை சிகிச்சை செய்யப்பட்டது. அதிலிருந்து மீண்டவருக்கு, கடந்த மே மாதத்தில் ஒரு அவசர அறுவை சிகிச்சை தேவைப்பட்டது. உயிருக்கு ஆபத்தான நோய்த்தொற்று காரணமாக ஒரு கால் (முழங்காலின் கீழ்) துண்டிக்கப்பட்டது. Bert Newton இறப்பை உறுதி செய்த அவரது குடும்ப நண்பரும் பொழுதுபோக்கு நிருபருமான Peter Ford, “அவர் எனக்கு ஒரு சிறந்த வழிகாட்டியாகவும் நண்பராகவும் இருந்தார்” என்றும் “அவரது இறுதி நாட்களில் அவர் மிகவும் சிரமத்துக்கு உள்ளானார்” என்றும் Twitterஇல் பதிவிட்டுள்ளார். தொலைக்காட்சியில் மூத்த தொகுப்பாளராகப் பணியாற்றிய Bert Newton ஒரு வாரத்திற்கு முன்னர் கூட தனது பேரக்குழந்தைகளுடன் சிரித்து விளையாடியுள்ளார் என்று Peter Ford மேலும் கூறினார். மனைவி Patti, பிள்ளைகள் Lauren, Matthew மற்றும் ஆறு பேரக்குழந்தைகளை விட்டுப் பிரிந்திருக்கிறார் Bert Newton. நம் நாட்டில் வியாபார நோக்குடன் தொலைக்காட்சி ஒளிபரப்பு ஆரம்பித்த 1957ஆம் ஆண்டு, Channel 7 தொலைக்காட்சி நிலையத்துடன் Bert Newton தனது தொலைக்காட்சி வாழ்க்கையைத் தொடங்கினார். பல தசாப்தங்களாக, அவர் வானொலி, மேடை நாடகம் மற்றும் தொலைக்காட்சி அனைத்திலும் ஒரு புகழ்பெற்ற ஆளுமை என்ற பெயரையும், தொகுப்பாளராக அடையாளத்தையும் தனதாக்கிக் கொண்டார். ஆஸ்திரேலிய ஊடகத்துறையில் சிறப்பாகப் பணியாற்றுபவர்களுக்கு வழங்கப்படும் Logie Awards என்ற விருதைப் பல முறை வென்றுள்ள இவருக்கு ஆஸ்திரேலிய அரசு வழங்கும் அதி உயர் விருதுகளான Order of Australia, Member of the British Empire, மற்றும் Centenary Medal ஆகிய விருதுகளும் வழங்கப்பட்டுள்ளன. மெல்பன் புறநகர் North Fitzroy என்ற இடத்தில் 1938ஆம் ஆண்டு இவரது பெற்றோருக்கு ஆறாவது (மற்றும் கடைசி) குழந்தையாக இவர் பிறந்தார். 15 வயதில் வானொலி அறிவிப்பாளராகத் தொழில் புரிய ஆரம்பித்த இவர், Radio 3XY, 3AK, 3UZ மற்றும் 3DB ஆகிய வானொலி நிலையங்களில் ஒலிபரப்பாளராகப் பணியாற்றியிருக்கிறார். The Late Show என்ற தொலைக்காட்சி நிகழ்ச்சியில் 1957ஆம் ஆண்டு முதலில் பங்கேற்ற இவர், Graham Kennedy என்ற கலைஞருடன் இணைந்து Melbourne Tonight என்ற நிகழ்ச்சியில் 1959 முதல் தோன்றி மக்கள் மனதில் இடம் பிடித்துக் கொண்டார். இவரது இழப்பிற்கு வருத்தம் தெரிவித்து சக ஊழியர்கள், நண்பர்கள் மற்றும் குடும்பத்தினர் சமூக வலைதளங்களில் அஞ்சலி செலுத்தி வருகிறார்கள்.

கருத்துகள்

சிறப்புச் செய்திகள்

TAMIL Eelam news 454

 “இனி போகப்போக என் ஆட்டத்தை பார்ப்பீர்கள்” களத்தில் குதித்த கவர்ச்சி நடிகை! 1990-ம் ஆண்டு காலகட்டத்தில் கவர்ச்சியால் ரசிகர்களை கிறங்கடிக்க செய்தவர் நடிகை ஷகிலா. மலையாள திரையுலகில் மம்முட்டி, மோகன்லால் போன்ற முன்னணி நடிகர்களின் படங்களே ஷகிலாவின் படங்களுடன் போட்டியிட முடியாமல் தள்ளாடின. அந்தளவு இவரது படங்கள் வசூலை வாரிக் குவித்தன. இவருக்கென இப்போதும் தனி ரசிகர் பட்டாளமே உண்டு. தமிழ் உள்பட பல்வேறு மொழிகளிலும் குணச்சித்திர மற்றும் நகைச்சுவை கதாபாத்திரங்களிலும் நடித்து வருகிறார். சமீபத்தில் தமிழக காங்கிரஸ் கட்சியில் நடிகை ஷகிலா இணைந்தார். அவருக்கு கட்சியின் மனித உரிமை துறை பொதுச் செயலாளர் பதவி வழங்கப்பட்டது.   சினிமாவை தாண்டி அரசியலில் காலடி எடுத்து வைத்திருக்கும் ஷகிலா, சென்னையில் நேற்று நிருபர்களுக்கு பேட்டியளித்தார். அப்போது அவர் கூறியதாவது:- நல்லது செய்ய ‘பவர்’ வேண்டும் தமிழகம் மட்டுமின்றி நாடு முழுவதும் பெண் குழந்தைகள், பெண்கள் மீதான வன்முறைகள் அதிகரித்து வருகின்றன. இது மிகுந்த மனவேதனையைத் தருகிறது. பாலியல் வன்கொடுமை சம்பவங்களில் ஈடுபடுபவர்களுக்கு தூக்கு தண்டனை விதிக்க வேண்டும். பெண்கள

TAMIL Eelam news b890

போர் விமானத்தை சுட்டுவீழ்த்த முயன்ற சீன கப்பல்! (Photo) சீன போர்க்கப்பல் அவுஸ்ரேலியாவின் போர் விமானத்தை சுட்டு வீழ்த்தும் நோக்கில் அந்த விமானத்தின் மீது லேசர் ஒளியை பாய்ச்சியதாக அவுஸ்ரேலிய இராணுவம் குற்றம் சாட்டியது. வடக்கு அவுஸ்ரேலியாவின் அரபுரா கடலில் ​சீன கப்பல் சென்றுகொண்டிருந்தபோது இந்த சம்பவம் நடைபெற்றதாகவும், இது போர் விமானத்தில் இருந்த வீரர்களின் உயிருக்கு அச்சுறுத்தலை ஏற்படுத்தியதாகவும் அவுஸ்ரேலிய இராணுவம் தெரிவித்தது. இந்த விவகாரம் தொடர்பாக சீனா இதுவரை எந்த விளக்கமும் அளிக்கவில்லை. இந்த நிலையில் அவுஸ்ரேலிய போர் விமானம் மீது லேசர் ஒளியை பாய்ச்சியது சீனாவின் மிரட்டல் நடவடிக்கை என கூறி அவுஸ்ரேலிய பிரதமர் ஸ்கொட் மொறிசன் கடும் கண்டனம் தெரிவித்துள்ளார். இது குறித்து அவர் கூறுகையில், “இதுபோன்ற செயல்கள் உயிருக்கு ஆபத்தை விளைவிக்கும் சாத்தியம் உள்ளது. இது ஒரு மிரட்டல் செயலே தவிர வேறு ஒன்றுமில்லை. இதுபோன்ற மிரட்டல் செயல்களை அவுஸ்ரேலியா ஒருபோதும் ஏற்றுக்கொள்ளாது’’ என்று கூறினார்.

TAMIL Eelam news 345

 பிறந்தநாள் நிகழ்வில் சிறுவர்களால் கத்திக்குத்துக்கு இலக்காகி குடும்பஸ்தர் பலி – வட்டக்கச்சியில் சம்பவம் கிளிநொச்சி வட்டக்கச்சி பகுதியில் கத்திக்குத்துக்கு இலக்கான குடும்பஸ்த்தர் ஒருவர் சிகிச்சை பலனின்றி உயிரிழந்திருக்கின்றார்.குறித்த சம்பவம் நேற்று இரவு 7 மணியளவில் இடம்பெற்றுள்ளது. பிறந்தநாளான நேற்று வீட்டில் நின்ற அவரை வீட்டு வாசலில் வைத்து 18 வயது பூர்த்தி அடையாத இருவர் கூரிய ஆயுதத்தால் தாக்கியதாக பொலிசில் முறைப்பாடு பதிவு செய்யப்பட்டது.   குறித்த சம்பவத்தில் படுகாயமடைந்த குறித்த நபர் கிளிநொச்சி வைத்தியசாலையில் அனுமதிக்கப்பட்டு சிகிச்சை பெற்றுவந்த நிலையில் இன்று உயிரிழந்துள்ளதாக பொலிசார் தெரிவிக்கின்றனர்.உயிரிழந்த நபர் அதே பகுதியைச் சேர்ந்த 32 வயதான அருளம்பலம் துசியந்தன் 2 பிள்ளைகளின் தந்தை என பொலிசார் தெரிவிக்கின்றனர். உயிரிழந்தவரின் சடலம் கிளிநொச்சி வைத்தியசாலையில் வைக்கப்பட்டுள்ளதுடன், பிரேத பரிசோதனைகளின் பின்னர் உறவினர்களிடம் கையளிக்கப்படவுள்ளது.சம்பவத்துடன் தொடர்புடைய இருவரையும் பொலிசார் கைது செய்துள்ளதுடன், மேலதிக விசாரணைகளை தர்மபுரம் பொலிசார் மேற்கொண்டு வருகின்றனர்.