பிரபல தமிழ் இசையமைப்பாளரை சந்தித்த யோகானி ; சீற்றத்தில் ஈழத் தமிழர்கள்!
அண்மையில் பிரபலமான இலங்கைப் பாடகி யோகானியை இசையமைப்பாளர் ஹாரிஸ் ஜெயராஜ் பாடவைத்துள்ளமை ஈழத்தமிழர்கள் மத்தியில் கொந்தளிப்பை ஏற்படுத்தியுள்ளது.
சரவணா ஸ்டோர்ஸ் அருள் சரவணன் திரைப்படம் ஒன்றில் நடித்து வருகிறார் என்பது அனைவருக்கு தெரிந்த செய்தி தான். அஜித்தின் உல்லாசம் படத்தை இயக்கிய ஜேடி -ஜெர்ரி இந்தப் படத்தை இயக்குகின்றனர்.
இப்படத்தில் கதாநாயகியாக நடிகை கீர்த்திகா திவாரி தமிழில் அறிமுகமாகிறார். மேலும் பிரபு, விவேக், நாசர், தம்பி ராமையா, காளி வெங்கட், கோவை சரளா உள்ளிட்ட பலர் நடிக்கின்றனர்.
படத்திற்கு ஹாரிஸ் ஜெயராஜ் இசையமைக்கிறார். மதன்கார்க்கி மற்றும் வைரமுத்து ஆகியோர் பாடல்களை எழுதுகிறார்கள். இந்தப் படத்தில் ஒரு பாடலுக்காக சமீபத்தில் மிகவும் பிரபலமாகியிருக்கும் இலங்கையைச் சேர்ந்த ஆல்பம் பாடகி யோகானியை அழைத்துப் பாட வைத்தியிருப்பதாக கூறப்படுகின்றது.
சில தினங்களுக்கு முன்பு அந்தப் பாடலின் ரெக்கார்டிங் மும்பையில் நடைபெற்றுள்ளது. இதன்போது ஹாரிஸ் ஜெயராஜ், யோஹனி மற்றும் மதன்கார்க்கி ஆகியோர் இருக்கும் புகைப்படம் இணையத்தில் வைரலாகியது.
இதற்கு ஈழத்தமிழர்கள் மத்தியில் எதிர்ப்பு கிளம்பியுள்ளது. இதேவேளை பாடகி யோஹனி சிங்கள இராணுவ தளபதி பிரசன்ன டி சில்வாவின் மகள் ஆவார்.
அதோடு சிங்கள இனவெறியர்கள் தமிழர்கள் மீது நடத்திய போரைப் புகழ்ந்து பாடிய பெண்ணை அழைத்து, தமிழில் பாட வைத்திருப்பதால் ஈழத் தமிழர்கள் மத்தியில் கொந்தளிப்பை ஏற்படுத்தியுள்ளது.
கருத்துகள்