மெல்பன் வாகன விபத்தில் இந்தியப் பாடகர் பலி!
மெல்பனில் மூன்று வாகனங்கள் மோதிக்கொண்ட விபத்தில், இந்தியாவின் பிரபல பாடகர் ஒருவர் சம்பவ இடத்திலேயே பலியாகியுள்ளார்.
Nirvair Singh Melbourne Punjabi singer car crash
Nirvair Singh, a Punjabi singer, was killed in a three-car crash along Bulla-Diggers Rest rd in Melbourne's northwest.
இந்தச் சம்பவம் கடந்த செவ்வாய்க்கிழமை மெல்பன் Diggers Rest பிரதேசத்தில் இடம்பெற்றுள்ளது.
பஞ்சாப் மாநிலத்தின் குறாலி பிரதேசத்தைச் சேர்ந்த Nirvair Singh என்ற இளம் பாடகரே இவ்வாறு உயிரிழந்தவர் ஆவார்.
ஒன்பது வருடங்களுக்கு முன்னர் ஆஸ்திரேலியாவுக்குப் புலம்பெயர்ந்த Nirvair Singh சிறந்த பாடகர் என்பதுடன் பஞ்சாப் மொழியில் இவர் பாடிய பல பாடல்களுக்கு உலகெங்கிலும் பல்லாயிரக்கணக்கான ரசிகர்கள் உள்ளனர்.
Advertisement
ஒருபுறம் பாடகராகவும் மறுபுறம் வாடகை வாகன ஓட்டுனராகவும் பணிபுரிந்து வந்த Nirvair Singh, இரண்டு பிள்ளைகளின் தந்தை ஆவார்.
Nirvair Singh உயிரிழந்த விபத்துடன் தொடர்புடையவர்கள் என்ற சந்தேகத்தின் பேரில் ஒரு ஆணையும் ஒரு பெண்ணையும் பொலீஸார் கைது செய்துள்ளனர்.
விபத்து நடந்த இடத்திலேயே Nirvair Singh உயிரிழந்துள்ளார். விபத்தில் சம்பந்தப்பட்ட இன்னொரு வாகனத்திலிருந்தவர் சிறுகாயங்களுடன் வைத்தியசாலையில் சேர்க்கப்பட்டுள்ளார்.
Nirvair Singh மறைவு ஆஸ்திரேலிய இந்திய சமூகத்தை மாத்திரமல்லாமல், இந்திய இசை ரசிகர்களை பெரும் கவலைக்குள்ளாக்கியுள்ளது.
கருத்துகள்