e 246 உன்மையைச் செல்பவர்களை எதிர்க்கும் சிங்களக் கூலிகள்,

 

பயங்கரவாதிகளின் புகலிடமாக மாறியுள்ள கனடா: இலங்கை அமைச்சர் அதிர்ச்சி தகவல்!

 By Shankar 4 மணி நேரம் முன்

 
 
 
 
 
 

விளம்பரம்

பயங்கரவாதிகளின் புகலிடமாக கனடா மாறியுள்ளதாக இலங்கையின் வெளிவிவகார அமைச்சர் அலி சப்ரி Ali Sabry தெரிவித்துள்ளார்.

நியுயோர்க்கில் ஊடகம் ஒன்றுக்கு கருத்து தெரிவிக்கும் போதே வெளிவிவகார அமைச்சர் அலி சப்ரி இந்த விடயத்தை குறிப்பிட்டுள்ளார்.

அவர் மேலும் தெரிவித்திருப்பதாவது,

கனடா பிரதமர் ஜஸ்டின் ட்ருடோ ஆதாரம் இல்லாத பரபரப்பு குற்றச்சாட்டுகளை முன்வைப்பவர் என்பதால் அவரது கருத்துக்கள் எனக்கு ஆச்சரியமளிக்கவில்லை.  

சில பயங்கரவாதிகள் கனடாவில் அடைக்கலம் பெற்றுள்ளனர். ஆதாரங்கள் அற்ற கடும் குற்றச்சாட்டுகளை முன்வைக்கும் சுபாவம் கனடா பிரதமர் ஐஸ்டின் ட்ருடோவுக்கு உள்ளது.

இலங்கை விவகாரத்திலும் கனடா பிரதமர் அவ்வாறு நடந்துகொண்டுள்ளார்.

இலங்கையில் இனப்படுகொலை இடம்பெற்றதாக பாரிய பொய்யை கூறினர். இலங்கையில் இனப்படுகொலை இடம்பெறவில்லை என்பது அனைவருக்கும் தெரியும் என குறிப்பிட்டுள்ளார்.

கனடாவில் சீக்கிய செயற்பாட்டாளர் ஒருவர் கொல்லப்பட்டமையின் பின்னணியில் இந்திய அரசாங்கம் உள்ளது என்ற கனடா பிரதமரின் குற்றச்சாட்டினால் இந்தியாவிற்கும் கனடாவிற்கும் இடையில் இராஜதந்திர முறுகல் நிலை உருவாகியுள்ள நிலையிலேயே இலங்கை வெளிவிவகார அமைச்சர் இந்த விடயங்களை குறிப்பிட்டுள்ளார்.