விடுதலைப் புலிகள் அமைப்பின் தலைவருடைய மரணம் தொடர்பில் இந்தியாவிற்கு தொடரும் சந்தேகம்
விடுதலைப் புலிகள் அமைப்பின் தலைவர் வேலுப்பிள்ளை பிரபாகரனின் மரணம் தொடர்பில் இந்தியாவிற்கு இப்போதும் சந்தேகம் உள்ளது என முன்னாள் நாடாளுமன்ற உறுப்பினர்களான மாவை.சேனாதிராஜா(Mavai Senathirajah) தெரிவித்துள்ளார்.
யாழ். போராளிகள் நலன்புரிச்சங்கத்தினரால் 'சாந்தன் ஏன் சந்தணமானார்' எனும் தலைப்பில் சாந்தனுக்கு நினைவஞ்சலி நிகழ்வில் கலந்துக்கொண்டு கருத்து தெரிவிக்கும்போதே இதனை கூறியுள்ளார்.
இந்நிகழ்வானது, இன்று (07.04.2024) இடம்பெற்றுள்ளது.
ராஜீவ் காந்தி கொலை வழக்கில் தண்டனை பெற்ற சாந்தனின் மரணத்தைத் தொடர்ந்து அவர் எழுதிய புத்தகங்கள் மற்றும் அவரது சிறை அனுபவங்களை நினைவுகூறும் வகையிலான நிகழ்வினை யாழ். போராளிகள் நலன்புரிச்சங்கத்தினர் ஏற்பாடு செய்திருந்தனர்.
சாந்தனின் திருவுருவப்படம்
இதன்போது, பொதுச்சுடர் ஏற்றி சாந்தனின் திருவுருவப்படத்திற்கு மலர்தூவி, மலர்மாலை அணிவித்து அஞ்சலி செலுத்தப்பட்டது.
மேலும், முன்னாள் நாடாளுமன்ற உறுப்பினர்களான மாவை.சேனாதிராஜா, ஈ.சரவணபவன் மற்றும் யாழ்ப்பாண பல்கலைக்கழக அரசறிவியல் துறை விரிவுரையாளர் பேராசிரியர் கை.ரி. கணேசலிங்கம், தவத்திரு வேலன் சுவாமிகள், சொற்செற்செல்வர் ஆறுதிருமுருகன் உள்ளிட்ட மதத்தலைவர்களும் கலந்து கொண்டுள்ளனர்.
அது மாத்திரமன்றி, சாந்தனின் தாயார் மற்றும் சகோதரர்களிடம் போராளிகள் நலன்புரிச்சங்கத்தினரால் அவரது திருவுருவப்படம் வழங்கி வைக்கப்பட்டுள்ளதுடன் பாடசாலை மாணவர்களுக்கான துவிச்சக்கர வண்டிகள், புத்தகப் பைகள் என்பனவும் வழங்கி வைக்கப்பட்டுள்ளன.
- இணைப்பைப் பெறுக
- மின்னஞ்சல்
- பிற ஆப்ஸ்
- இணைப்பைப் பெறுக
- மின்னஞ்சல்
- பிற ஆப்ஸ்
கருத்துகள்