விடுதலைப் புலிகள் என்பது அவமானமா? மாவையின் பேச்சால் கிளம்பிய புதிய சர்ச்சை !!
அண்மையில் நிகழ்ச்சி ஒன்றில் பேசிய தமிழரசுக் கட்சியின் தலைவர் மாவை சேனாதிராஜா தமிழீழ விடுதலைப் புலிகள் தொடர்பாக வெளியிட்டிருந்த கருத்து ஒன்று பெரும் சர்ச்சையைத் தோற்றுவித்திருக்கின்றது.
நாடாளுமன்ற உறுப்பினர் சாணக்கியனை 'புலி' என வர்ணிப்பது எங்களுடைய இனத்தை அவமதிக்குபடியான செயல் என்று மாவை சேனாதிராஜா தெரிவித்திருந்த விடயமானது தமிழ் மக்கள் மத்தியில் கடுமையான விமர்சனங்களுக்கு உள்ளாகிவருகின்றது.
'புலிகள்தான் தமிழர்கள் தமிழர்கள்தான் புலிகள்' என்றும், 'விடுதலைப்புலிகளே தமிழர்களின் ஏகபிரதிநிதிகள்' என்றும் கூறி தமிழ் மக்களிடம் வாக்குச் சேகரித்து நாடாளுமன்றம் சென்ற தமிழரசுக் கட்சி, இன்றைக்கு அனைத்தையுமே மறந்து சானக்கியனை விடுதலைப் புலி என்று கூறியதை ஒரு அவமானமாகப் பார்ப்பது வியப்புக்கு உரியதான இருக்கின்றது.
இத்தனைக்கும் சாணக்கியனே தன்னை விடுதலைப் புலி என்று கூறியதை ஒரு பெருமைக்குரிய விடயமாகத் தான் கருதுவதாக நாடாளுமன்றில் தெரிவித்திருந்த நிலையில், அந்தக் கூற்றை ஒரு அமானமாகக் கருதுவதாக தமிழரசுக் கட்சியின் தலைவர் மாவை சேனாதிராஜரா தெரிவித்திருப்பது மிகுந்த அதிர்ச்சியை ஏற்படுத்துவதாக தமிழ் மக்கள் தெரிவிக்கின்றார்கள்.
விடுதலைப் புலிகள் என்பது தமிழ் மக்களின் அடையாளமா அல்லது அவமானமா? தமிழரசுக் கட்சி தெளிவாக தமிழ் மக்களுக்கு கூறவேண்டும்.
தமிழ் மக்களின் பிரதிநிதிகளை விடுதலைப் புலிகள் என்று கூறுவது அவமரியாதை என்று கூறியது மாவை சேனாதிராஜாவின் தனிப்பட்ட கருத்தா அல்லது தமிழரசுக் கட்சியின் கருத்தா?
மாவை சேனாதிராஜா தமிழ் மக்களுக்கு பதில் கூறவேண்டும்.
அல்லது தமிழ் மக்கள் மாவை சேனாதிராஜாவை பதில் கூறவைக்கும்படி செய்யவேண்டும்.
கருத்துகள்