ஆஸ்திரேலியாவின் டாஸ்மேனியா மாநிலத்தில் இலங்கை இளைஞர் சடலமாக மீட்பு
!
ஆஸ்திரேலியாவின் டாஸ்மேனியா மாநிலத்தில் இலங்கைப்பின்னணிகொண்ட இளைஞர் ஒருவரின் சடலம் மீட்கப்பட்டுள்ளதாக முதற்கட்ட செய்திகள் தெரிவிக்கின்றன.
ஆஸ்திரேலியாவின் டாஸ்மேனியா மாநிலத்தின் Tranmere Point கரையோரத்தில், இன்று பிற்பகல் இளைஞர் ஒருவர் சடலமாக மீட்கப்பட்டதை அடுத்து விசாரணைகள் ஆரம்பிக்கப்பட்டுள்ளன.
18-25 க்கு இடைப்பட்ட வயதுடைய குறித்த இளைஞர், இலங்கைப்பின்னணி கொண்டவர் என நம்பப்படுகிறது.
இன்று பிற்பகல் 1:30 மணியளவில் கண்டுபிடிக்கப்பட்ட இவரது உடல் இன்னும் அடையாளம் காணப்படவில்லை என காவல்துறையினர் தெரிவிக்கின்றனர்.
Advertisement
குறித்த இளைஞரின் மரணத்திற்கான காரணத்தை தீர்மானிக்க மருத்துவ பரிசோதனைகள் நடத்தப்படுகின்றன. எனினும் இம்மரணம் சந்தேகத்திற்குரியதாக இல்லை என்று நம்பப்படுகிறது.
கருப்பு ஜீன்ஸ், அடர் பச்சை நிற t-shirt மற்றும் கருப்பு puffer jacket ஆகியவற்றை இவர் அணிந்திருந்ததாக தெரிவிக்கப்படுகிறது.
இந்த இளைஞர் வேறொரு இடத்தில் தண்ணீரில் விழுந்திருக்கலாம் எனவும், அவரது உடல் பின்னர் Tranmere Point பகுதியை வந்தடைந்திருக்கலாம் எனவும் கூறப்படுகிறது.
குறித்த பகுதியில் மீட்புப் பணியை மேற்கொள்வது மிகவும் கடினமாக காணப்பட்டதாக மீட்புக்குழுவினர் தெரிவித்துள்ளனர்.
இந்த இளைஞர் பற்றிய தகவல் தெரிந்தவர்கள் 131 444 என்ற எண்ணில் ESCAD 168-21052023 என்ற குறிப்பு எண்ணுடன் காவல்துறையைத் தொடர்புகொள்ளுமாறு அதிகாரிகள் வலியுறுத்துகின்றனர்.
கருத்துகள்