d 816 பள்ளி கொள்ளாத முள்ளிவாய்க்கால்

பள்ளி கொள்ளாத முள்ளிவாய்க்கால் நினைவுகள் **********************************************ஆர்ப்பரிக்கும் நந்திக் கடலே__ நாங்கள் தோற்றுப் போகவில்லை காற்றில் கலந்த காவலராய்__தமிழ் ஊற்றில் செறிந்த உணர்வுகளாய் இன்னும் வாழ்ந்து கொண்டிருக்கிறோம்.தோற்றுப் போகாத வரலாற்றுக்குப் பின் நீறாத ஒரு காவியமாய் உங்கள் இதயச் சுவரில் கனிமங்களாய் படிமமாய் பதிந்து விட்டோம். இறுதி யுத்தத்தில் எம்மோடு பயணித்த உறவுகளோடு எமை இணைத்துக் கொண்டோம். விறகாகிப் போனவர்கள் அல்ல நாம் உயிரான தேசத்திற்காய் உரமாகிப் போனவர்கள். நீசர்களின் நிரலுக்குள்ளே நிலை தளராது களமாடியவர்கள்.கடசிமட்டும் விடுதலையை விரதமாக்கி வித்தாகிப் போனவர்கள். காணாத கொடூரத்தை கட்டவிழ்த்து வீணாகப் மடிந்த எம் மக்களின் அவலத்தையும் கொடூதத்தையும் நீறாத நெருப்பாய் நெஞ்சில் சுமந்து உருகிப் போனவர்கள். நாங்கள் சிந்திய இரத்தக் கறைகள் கலைந்து விடாது. முள்ளிவாய்க்கால் அவலம் பல்லினம் சேர்ந்தழித்த படு பாதகம். மண்ணிலே மங்கிப் போகாத கனவுகளை சுமந்த தேகம் எம்முடையது. ஆண்டுகளின் எல்லையில் ஆற்றி விட முடியாத அழிவு இது மாண்டுவிட நாம் மனிதர்கள் அல்ல புனிதர்கள். மறுபடியும் மறுபடியும் பிறப்பெடுத்து கருவறுப்போம். அதுவரை நினைவுகளாய் தொடர்ந்திருப்போம். முள்ளிவாய்க்கால் நினைவு பள்ளி கொள்ளாத பாசிஸத்தின் பதிவேடு. ________ஆர்.ஜெ.கலா