உயிரியல் பிரிவில் மட்டு. தமிழ் மாணவன் முதனிலை ( படங்கள்)
உயிரியல் பிரிவில் முதனிலை
மட்டக்களப்பு புனித மைக்கேல் கல்லூரி மாணவன் தமிழ்வாணன் துவாரகேஸ் உயிரியல் துறையில் மூன்று பாடங்களிலும் ஏ சித்திகளைப்பெற்று அகில இலங்கை ரீதியில் தமிழ் மொழி துறையில் முதலாம் இடத்தினைப்பெற்று கிழக்கு மாகாணத்திற்கு பெருமை சேர்ந்துள்ளார்.
நேற்று(28) வெளியான உயர்தரப் பரீட்சைகளின் முடிவுகளின் அடிப்படையில் இந்தச் சாதனையினை படைத்துள்ளார்.
அவரது இல்லத்திற்கு வருகைதந்த கிழக்கு மாகாணக் கல்வி பணிப்பாளர் திருமதி நகுலேஸ்வரி புள்ளநாயகம், மட்டக்களப்பு வலய கல்விப்பணிப்பாளர் திருமதி சுஜாதா குலேந்திரகுமார் ஆகியோர் சாதனை படைத்த மாணவனுக்கு வாழ்த்துகள் தெரிவித்தனர்.
மாணவனின் இலட்சியம்
உயிரியல் பிரிவில் மட்டு. தமிழ் மாணவன் முதனிலை ( படங்கள்) | A L Results Www Doenets Lk2022 Bio Stream
தான் ஒரு மருத்துவத்துறையின் விஞ்ஞானியாக பல கண்டுபிடிப்புகளை செய்யவேண்டும் என்பதே தனது இலட்சியம் என சாதனை மாணவன் துவாரகேஸ் தெரிவித்தார்.
மாணவர்கள் கல்வியினை திட்டமிட்டு கற்கவேண்டும் எனவும் சரியான முறையினை தேர்வுசெய்து கற்கவேண்டும் எனவும் கஷ்டப்பட்டு கற்றல் செயற்பாடுகளை முன்னெடுப்பதால் எந்தவித பிரயோசனமும் இல்லையெனவும் அவர் தெரிவிக்கின்றார்.
வைத்திய நிபுணர் தமிழ்வாணன் - வைத்தியர் பகீரதி தம்பதியினரின் இரண்டாவது மகனான துவாரகேஸ் பாடசாலை மட்டம், மாகாண மட்டம், தேசிய மட்டங்களில் பல சாதனைகளைப் படைத்துள்ளார்.
உயிரியல் பிரிவில் மட்டு. தமிழ் மாணவன் முதனிலை ( படங்கள்) | A L Results Www Doenets Lk2022 Bio Stream
இதேநேரம், மட்டக்களப்பு மாவட்ட பிராந்திய சுகாதார சேவைகள் பணிப்பாளர் வைத்தியர் கு.சுகுணனும் குடும்பத்துடன் வருகைதந்து மாணவனுக்கு வாழ்த்து தெரிவித்தார்.
உயர்தரப் பரீட்சை : அகில இலங்கை ரீதியில் முதலிடம் பெற்றவர்களது விபரங்கள் வெளியானது
கருத்துகள்