மாணவர்களை வன்கொடுமை புரிந்த பிரபல பாடசாலை அதிபர் கைது
பல மாணவர்கள் துஷ்பிரயோகம்
இரத்தினபுரியில் உள்ள முன்னணி பாடசாலை ஒன்றின் அதிபர், பல மாணவர்களை பாலியல் துஷ்பிரயோகத்திற்கு உட்படுத்திய குற்றச்சாட்டில் கைது செய்யப்பட்டு விளக்கமறியலில் வைக்கப்பட்டுள்ளதாக தேசிய சிறுவர் பாதுகாப்பு அதிகார சபை (NCPA) தெரிவித்துள்ளது.
தேசிய சிறுவர் பாதுகாப்பு அதிகார சபை க்கு கிடைத்த இரகசிய தகவலின் அடிப்படையில் சம்பவம் தொடர்பில் மேற்கொள்ளப்பட்ட விசேட விசாரணையை அடுத்து அவர் கைது செய்யப்பட்டுள்ளார்.
மாணவர்களை வன்கொடுமை புரிந்த பிரபல பாடசாலை அதிபர் கைது | Principal In Custody Sexually Abusing Students
பணப்பரிசில்கள் வழங்கும் அதிபர்
குறித்த பாடசாலை மாணவர்களை அதிபர் வெகுநாட்களாக தனது விடுதிக்கு அழைத்து அவர்களுக்கு பணப்பரிசில்கள் மற்றும் பல்வேறு சலுகைகளை வழங்கி பாலியல் துஷ்பிரயோகம் செய்துள்ளதாக விசாரணைகளில் தெரியவந்துள்ளது.
சந்தேக நபர் நேற்று (23) இரத்தினபுரி நீதவான் நீதிமன்றில் முற்படுத்தப்பட்டதன் பின்னர், கடுமையான பாலியல் துஷ்பிரயோக குற்றச்சாட்டின் கீழ் விளக்கமறியலில் வைக்கப்பட்டுள்ளார்.
மாணவர்களை வன்கொடுமை புரிந்த பிரபல பாடசாலை அதிபர் கைது | Principal In Custody Sexually Abusing Students
நாடு முழுவதும் உள்ள பாடசாலைகளில் நடக்கும் சிறுவர் துஷ்பிரயோக சம்பவங்கள் குறித்து 1929 - என்ற தேசிய சிறுவர் பாதுகாப்பு அதிகார சபையின் சிறுவர் உதவி எண்ணுக்கு கூடிய விரைவில் தெரிவிக்குமாறு தேசிய சிறுவர் பாதுகாப்பு அதிகார சபை பொதுமக்களை கேட்டுக்கொண்டுள்ளது.
கருத்துகள்