ஹைட்டியில் பெரும் கலவரம் - 471 பேர் வரையில் பலி
ஹைட்டியில் குழுக்களுக்கு இடையே இந்த மாதம் நடந்த கடுமையான மோதல்களின் விளைவாக குறைந்தது 471 பேர் கொல்லப்பட்டனர், காயமடைந்தனர் அல்லது காணாமல் போயுள்ளனர் என்று ஐக்கிய நாடுகள் சபை அறிவித்துள்ளது.
பெண்கள் மற்றும் சிறுமிகளுக்கு எதிரான பாலியல் வன்முறை சம்பவங்கள் மற்றும் சிறுவர்கள் கும்பல்களால் ஆட்சேர்ப்பு செய்யப்படுவதும் பதிவாகியுள்ளது" என்று ஐக்கிய நாடுகள் சபை இன்று வெளியிட்டுள்ள அறிக்கையில் குறிப்பிட்டுள்ளது.
ஹைட்டியில் உள்ள ஐநா மனிதாபிமான ஒருங்கிணைப்பாளர் உல்ரிகா ரிச்சர்ட்சன் தனது அறிக்கையில் இவ்வாறு குறிப்பிட்டுள்ளார். ஜூலை 8 மற்றும் 17 க்கு இடையில் நடந்த வன்முறையில் இந்த சம்பவங்கள் பதவிவாகியுள்ளதாக அறிக்கையில் தெரிவிக்கப்பட்டுள்ளது.
ஹைட்டியில் பெரும் கலவரம் - 471 பேர் வரையில் பலி | At Least471 Dead In Haiti Gang Violence
அவர்களில் எத்தனை பேர் கொல்லப்பட்டனர் என்பது உறுதியாக தெரிவிக்கப்படவில்லை. சுமார் 3,000 பேர் தங்கள் வீடுகளை விட்டு வெளியேறியுள்ளனர், அவர்களில் நூற்றுக்கணக்கான ஆதரவற்ற குழந்தைகள் உள்ளனர், மேலும் குறைந்தது 140 வீடுகள் அழிக்கப்பட்டுள்ளன என்று அறிக்கை கூறுகிறது.
அரசியல் நெருக்கடியில் சிக்கியுள்ள ஹைட்டி
"Cite Soleil இல் மனிதாபிமான தேவைகள் மகத்தானவை. வறுமை, பாதுகாப்பு உள்ளிட்ட அடிப்படை சேவைகளின் பற்றாக்குறை சமீபத்திய வன்முறை காரணமாக அதிகரித்துள்ளது. Cite Soleil இல் ஐக்கிய நாடுகள் சபை முகவரங்கள் உதவி வழங்கி வருவதாக அவர் ரிச்சர்ட்சன் மேலும் கூறினார்.
பரவலான தண்டனையின்றி செயல்படும் கும்பல்கள், கடத்தல் அலைகளை நடத்தி, ஹைட்டிய தலைநகரின் சேரிகளுக்கு அப்பால் தங்கள் எல்லையை விரிவுபடுத்தியுள்ளன.
ஹைட்டியில் பெரும் கலவரம் - 471 பேர் வரையில் பலி | At Least471 Dead In Haiti Gang Violence
மனித உரிமைகளுக்கான பகுப்பாய்வு மற்றும் ஆராய்ச்சி மையம் வெளியிட்டுள்ள அறிக்கையின்படி, ஜூன் மாதத்தில் குறைந்தது 155 கடத்தல்கள் நடந்துள்ளன, மே மாதத்தில் 118 கடத்தல்கள் நடந்துள்ளன.
ஜூலை தொடக்கத்தில் Cite Soleil ஐ அழித்த வன்முறை வெடித்தது குறித்து பிரதம அமைச்சர் ஏரியல் ஹென்றி இன்னும் கருத்து தெரிவிக்கவில்லை.
ஜூலை 7, 2021 அன்று ஜனாதிபதி ஜோவெனல் மொய்ஸ் அவரது வீட்டில் படுகொலை செய்யப்பட்டதன் மூலம் மோசமடைந்த அரசியல் நெருக்கடியில் ஹைட்டி சிக்கியுள்ளமை குறிப்பிடத்தக்கது.
கருத்துகள்