கூட்டமைப்புக்குள் சர்ச்சையை ஏற்படுத்திய ரகசிய அழைப்பு! மூடிய அறைக்குள் நடந்தது என்ன..! (காணொளி)
யாரை அதிபராக தெரிவுசெய்ய வேண்டும் என்று எமது கட்சிக்குள் பல வாதப் பிரதிவாதங்கள் இடம்பெற்றன. ஆனால், நாட்டின் பொருளாதாரப் பிரச்சினை, மக்களின் தேவை மற்றும் இனப் பிரச்சினை என்பவற்றை அடிப்படையாக கொண்டே தமது தீர்மானம் அமைந்திருந்தது என தமிழ் தேசியக் கூட்டமைப்பின் நாடாளுமன்ற உறுப்பினர் செல்வம் அடைக்கலநாதன் தெரிவித்தார்.
ஊடறுப்பு நிகழ்ச்சியில் கலந்துகொண்டு கருத்து தெரிவிக்கும் போதே அவர் இந்த விடயத்தைக் குறிப்பிட்டுள்ளார். இதன்போது அவர் மேலும் தெரிவிக்கையில்,
கூட்டமைப்பின் தீர்மானம்
''இலங்கையில் நடந்தது இனப்பிரச்சினை தான் என்பதை ஏற்றுக்கொள்ள வைப்பதே எமது எண்ணமாகும். இதனை நடைமுறைப்படுத்தும் வகையிலேயே அதிபர் தெரிவில் எமது முடிவு காணப்பட்டது.
சஜித் உட்பட பலர் அதிபர் தேர்தலில் கலந்துகொள்ள இருந்து பின்னர் தங்களின் முடிவுகளை மாற்றி கொண்டனர். இதனாலேயே அதிபர் தெரிவு நடப்பதற்கு முதல் நாள் யாருக்கு வாக்களிப்பது என முடிவு செய்யலாம் என தீர்மானிக்கபட்டது.
அண்மையில் ஐ.நா சபையிலும் இலங்கையில் நடந்தது இனப்பிரச்சினை இல்லை என கூறும் வகையில் ஜி.எல் பீரிஸ் கருத்து வெளியிட்டிருந்தார். எனவே இதனை அடிப்படையாகக் கொண்டு தான் எங்களுடைய யுக்தி அமைந்தது.
இலங்கையில் நடந்தது இனப்பிரச்சினை தான்
அதாவது இலங்கையில் நடந்தது இனப்பிரச்சினை தான் என அவர்களை ஏற்றுக்கொள்ள வைப்பதே எமது எண்ணம்.”எனக் கூறியுள்ளார்.
அதிபர் தெரிவின் போது கூட்டமைப்புக்குள் சர்ச்சையை ஏற்படுத்திய ரகசிய அழைப்பு, மூடிய அறைக்குள் என்ன நடந்தது என அவர் தெரிவிக்கும் விடயங்களை காணொளியில் காண்க,
கருத்துகள்