c 615 ஆயுவமுறையை நோக்கி நகரும் இலங்கை .

மற்றுமொரு துப்பாக்கி சூடு - இளைஞன் ஸ்தலத்தில் பலி

மற்றுமொரு துப்பாக்கி சூடு காவல்துறை உத்தியோகத்தரின் துப்பாக்கியை நபர் ஒருவர் கைப்பற்ற முயற்சித்த சம்பவத்தில் இடம்பெற்ற துப்பாக்கிசூட்டில் மொரவக பிரதேசத்தைச் சேர்ந்த 30 வயதுடைய இளைஞர் ஒருவர் உயிரிழந்துள்ளார். போதைப்பொருள் தொடர்பில் கிடைத்த இரகசிய தகவலையடுத்து நெலுவ காவல் நிலைய அதிகாரிகள் சுற்றிவளைப்பில் ஈடுபட்டிருந்த வேளையில் காலி, நெலுவ பிரதேசத்தில் இந்த சம்பவம் இடம்பெற்றுள்ளது. சந்தேகநபர்கள் தப்பியோட்டம் மேலும் 3 சந்தேகநபர்கள் பிரதேசத்தை விட்டு தப்பிச் சென்றுள்ளதாகவும், சந்தேக நபர்களை கைது செய்வதற்கான மேலதிக விசாரணைகளை நெலுவ காவல்துறையினர் மேற்கொண்டு வருவதாகவும் காவல்துறை ஊடகப் பேச்சாளர் தெரிவித்தார். இதேவேளை, துப்பாக்கிச் சூடு சம்பவம் தொடர்பில் விசாரணை நடத்துவதற்கு காலிப் பிரிவு காவல்துறை அத்தியட்சகர் ஒருவர் தென் மாகாண சிரேஷ்ட பிரதி காவல்துறை மா அதிபரினால் நியமிக்கப்பட்டுள்ளார். இதனிடையே இன்று இரவு முல்லைத்தீவு மாவட்டத்தின் விசுவமடு பகுதியிலுள்ள எரிபொருள் நிரப்பு நிலையத்தில் இராணுவத்தினருக்கும் பொதுமக்களுக்குமிடையில் முரண்பாடு ஏற்பட்டதை அடுத்து இராணுவத்தினர் வானத்தை நோக்கி துப்பாக்கி சூடு நடத்தியமை குறிப்பிடத்தக்கது