ஷர்வேந்திர சில்வாவின் பதவி பறிக்கப்பட்டது: ராணுவ கட்டளைத் தளபதியாக வைக்கம் லியனகே நியமிப்பு !
இலங்கையின் ராணுவத் தளபதியாக இருந்து வந்த ஷர்வேந்திர சில்வா, ஜூன் 1ம் திகதி முதல் வேறு துறைக்கு மாற்றப்படுவார் என்று, கோட்டபாய தரப்பு சற்று முன்னர் அறிவித்துள்ளதாக அதிர்வு இணையம் அறிகிறது. மேஜ ஜெனரல் வைக்கம் லியனகே ராணுவ தளபதியாக ஜூன் 1ம் திகதி பொறுப்பை ஏற்க்கவுள்ளார். இந்த தடாலடி மாற்றத்திற்கும் உலக வங்கிக்கும் ஏதாவது சம்பந்தம் உண்டா என்று தெரியவில்லை. ஆனால் உலக வங்கி சில நிபந்தனைகளை இலங்கை மீது திணித்து வருகிறது. ஆனால் இலங்கை அரசு விட்டுக் கொடுத்தபாடாக இல்லை. இன் நிலையில் நேற்றைய தினம்(26) உலக வங்கி இலங்கைக்கு உதவ முடியாது என்று அறிவித்தது. அதனை அடுத்து இந்த அறிவிப்பு வெளியாகியுள்ளது. இது இவ்வாறு இருக்க…
பதவி பறிக்கப்பட்ட ஷர்வேந்திர சில்வாவுக்கு, இலங்கை பாதுகாப்பு அதிகாரிகளின் தலைமை அதிகாரி என்ற பொறுப்பு கொடுக்கப்பட்டுள்ளது. இலங்கையில் 2009ல் நடந்த போரில் பல போர் குற்றங்களை இழைத்தவர் ஷர்வேந்திர சில்வா என்பது ஊர் அறிந்த விடையம். ஆனால் இன்றுவரை கோட்டபாயவால் அவர் பாதுகாக்கப்பட்டு வருகிறார் என்பது குறிப்பிடத்தக்க விடையம். கோட்டபாய பதவியை இழக்கும் போது, இலங்கையில் பல முன் நாள் தளபதிகள், தமது வாழ் நாளை நீதிமன்ற படிகள் ஏறியே கழிக்க வேண்டிய நிலையில் இருப்பார்கள்.
கருத்துகள்