இந்தோனேஷிய அகதிகள் படகு கவிழ்ந்து 11 பேர் பலி!
இந்தோனேஷிய அகதிகளை ஏற்றிக்கொண்டு மலேசியாவுக்குப் புறப்பட்ட படகு ஒன்று மலேசியக் கடற்கரைக்கு அண்மையில் கவிழ்ந்ததில் 11 பேர் பலியாகியுள்ளனர். 20 பேர் மீட்கப்பட்டுள்ளனர். 27 பேரைத் தேடும் நடவடிக்கை இன்னும் நடைபெற்றுவருகிறது.
இந்தச்சம்பவம் நேற்று புதன்கிழமை இடம்பெற்றுள்ளது.
படகில் பயணம் செய்தவர்கள் அனைவரும் இந்தோனேஷியர்கள் என்றும் மூர்க்கமான அலை தாக்கியதில் படகு கவிழ்ந்திருக்கிறது என்றும் மலேசிய கடற்படையினர் தெரிவித்துள்ளனர்.
மலேசிய தொழில் ஆலைகளிலும் பண்ணைகளிலும் வேலைசெய்வதற்காக ஆண்டு தோறும் ஒன்று முதல் இரண்டு லட்சம் இந்தோனேஷியர்கள் படகுகளில் சட்டவிரோதமாக வருகிறார்கள் என்றும் இவர்களை ஆட்கடத்தல்காரர்கள் பெரும் எண்ணிக்கையில் படகுகளில் ஏற்றுவதால் தொடர்ச்சியாக இவ்வாறான விபத்துக்கள் இடம்பெறுகின்றன என்றும் ஜகார்த்தாவைத் தளமாகக் கொண்ட அரச சார்பற்ற நிறுவனப் பேச்சாளர் ஒருவர் தெரிவித்துள்ளார்.
கருத்துகள்