கொழும்பில் உள்ள தமிழர்களின் பண மாற்று சேவை நிலையங்களை சீல் வைக்கும் இலங்கை அரசு ! பக்கா பிளான் போடுகிறது
வெளிநாட்டில் உள்ள தமிழர்கள் தமது உறவுகளுக்கு காசை அனுப்பும் போது, வங்கி ஊடாக அனுப்புவது இல்லை. மாறாக பணமாற்று சேவையை பயன்படுத்தியே அனுப்புகிறார்கள். இதனால் கொழும்பில் இயங்கி வரும் தமிழர்களது , மற்றும் முஸ்லீம்களது பண மாற்று சேவை நிலையங்களை இலங்கை அரசு பூட்டி சீல் வைத்து வருகிறது. காரணம் வெளிநாட்டு தமிழர்கள் இலங்கைக்கு அனுப்பும் காசை, இலங்கை அரசு தற்போது குறி வைத்துள்ளது. தமிழர்கள் காசை இலங்கைக்கு வங்கி ஊடாக அனுப்பினால், அன்னியச் செலாவணி(வெளிநாட்டு) காசு இலங்கை மத்திய வங்கிக்கு வரும். இதனைக் குறி வைத்து இலங்கை அரசு தற்போது பெரும் திட்டம் ஒன்றை தீட்டியுள்ளது. அது என்னவென்றால் ஒரு புலனாய்வு அதிகாரியை…
பண மாற்று சேவை நிலையத்திற்கு அனுப்பி, வெளிநாட்டு காசை மாற்ற வந்தவர் போல நடிக்க வைப்பது. இலங்கை மத்திய வங்கி ஒரு டாலருக்கு இவ்வளவு இலங்கை ரூபா என்று நிர்ணயித்துள்ளது அல்லவா. அதற்கு மேல் பணம் கொடுத்து, டாலரை பண மாற்று முகவர் மாற்றினால். உடனே அவரைக் கைது செய்வதோடு. நிலையத்தையும் பூட்டி சீல் வைக்கிறது இலங்கை அரசு. இவ்வாறு கொழும்பு மற்றும் யாழில் இயங்கும் பண மாற்று முகவர் நிலையங்களை சீல் வைத்தால். வெளிநாட்டில் இருந்து தமிழர்கள் காசு அனுப்ப முடியாத நிலை தோன்றும். இதனால் தமிழர்கள் சட்ட ரீதியாக அனுப்ப ஆரம்பிக்க வேண்டிய சூழ் நிலை உருவாகும். இதனூடாக இலங்கை பெரும் அன்னியச் செலாவணியை பெற்றுக் கொள்ள முடியும். இதுவே திட்டம்.
கருத்துகள்