TAMIL Elam news b613

சிறப்பான முறையில் நடைபெற்ற மாவீரர் நாள்.

27 November 2021 குயின்ஸ்லாந்து மாநிலம் RUNCORN என்ற இடத்தில் தமிழீழத் தேசிய மாவீரர் நாள் மிகச் சிறப்பான முறையில் நடைபெற்றது. பெரும் திரளான தாயக உறவுகள் கலந்து கொண்டு மாவீரர் செல்வங்களிற்கு அஞ்சலி செலித்தினார்கள். குயின்ஸ்லாந்து மாநில நேரப்படி 6 மணிக்கு நிகழ்வு ஆரம்பம் ஆனது. முதலாவது நிகழ்வான பிரதான பொதுச்சுடரை லெப்ரின் பொற்தேவன் அவர்களின் சகோதரன் பவான் அவர்கள் ஏற்றி வைத்தார். அடுத்து அவுஸ்திரேலியா தேசியக்கொடியை கரும்புலி மேஜர் காந்தி அவர்களின் சகோதரன் அவர்கள் ஏற்றி வைத்தார். தொடர்ந்து தமிழீழத் தேசியக்கொடியை திரு ரவி அவர்கள் ஏற்றி வைத்தார். முதன்மை ஈகைச் சுடரை லெப் கேணல் டிக்கான் அவர்களின் சகோதரி. அவர்கள் ஏற்றி வைத்தார். அடுத்து மாவீரர் பெற்றோர்கள் உறவினர்கள் மாவீரர் கல்லறைகளிற்கு சுடர்ஏற்றி மலர்வணக்கம் செலுத்தினார்கள். தொடர்ந்து தாய் நாட்டை மீட்பதற்காகப்போராடி வீரச்சாவு அடைந்த மாவீரர்களிற்கும் அதன்பால் கொல்லப்பட்ட எமது உறவுகளிற்கும் அகவணக்கம் செலுத்தப்பட்டது. அடுத்து மலர்வணக்க நிகழ்வு நடைபெற்றது. முதலாவது மாவீரன் சங்கர் அவர்களின் படத்திற்கு திரு தியானத்தன் அவர்கள் அணிவித்தார். அன்னை பூவதி அவர்ளின் படத்திற்கு மலர் மாலையை திரு ரமேஸ் அவர்கள் அணிவித்தார். வளிகாட்டி மில்லர் அவர்களின் படத்திற்கு மலர் மாலையை மேஜர் நளன் அவர்களின் சகோதரி அவர்கள் அணிவித்தார். சிறப்பு உரையை மேஜர் செல்வம் அவர்களின் சகோதரி ஆற்றினார். அடுத்து அவுஸ்த்திரேலியாவின் பிரபல பேச்சாளர். மாக் அவர்கள் மாவீரர் பற்றி உரையாற்றினார். தொடர்ந்து கலை நிகழ்ச்சி நடைபெற்றது. மாவீரர் பற்றிய வரவேற்பு நடனத்தை திருமதி மேனுகா அவர்கள் வளங்கினார். மாவீரர் பற்றிய கவிதையை செல்வி மோ. டஸ்சிகா அவர்கள் வளங்கினார். மாவீரர் பற்றிய நடனத்தை செல்வி.கு சஞ்செய் அவர்கள் வளங்கினார். மேலும் பல நிகழ்வுகள் நடைபெற்றன. 8.30 மணிக்கு அனைத்து நிகழ்வுகளும் நன்றிஉரையுடன் நிறைவடைந்தன.