மனைவி அடிக்கடி யாருடனோ செல்போனில் பேசுவதால் மனமுடைந்த கணவன் -குழந்தைகளை கொன்றுவிட்டு தற்கொலை
திண்டுக்கல் மாவட்டம் மங்கலம் பட்டியைச் சேர்ந்தவர் முருகன். இவருக்கு திருமணமாகி முருகேஸ்வரி என்ற மனைவியும் 2 குழந்தைகளும் இருந்தனர். சேலம் மாவட்டத்தில் சங்ககிரி அருகே உள்ள ஹோட்டல் ஒன்றில் மாஸ்டராக பணிபுரிந்து வந்திருக்கிறார் முருகன். இதையடுத்து அப்பகுதியிலேயே வீடு எடுத்து குடும்பத்துடன் தங்கி வசித்து வந்திருக்கிறார்.
மனைவி அடிக்கடி யாருடனோ செல்போனில் அதிகநேரம் பேசி வருவதை கண்டித்து வந்திருக்கிறார். அவர் எத்தனையோ முறை கண்டித்தும் அதை பொருட்படுத்தாமல் தொடர்ந்து அடிக்கடி யாருடனோ செல்போனில் பேசி வருவதால் மனமுடைந்து போயிருக்கிறார் முருகன். இதனால் தொடர்ந்து மன உளைச்சலில் இருந்து வந்தவர் தன் இரண்டு குழந்தைகளையும் கொலை செய்துவிட்டு அதை வீடியோவாக எடுத்து உறவினர்களுக்கு அனுப்பி வைத்து விட்டு, தானும் தூக்கிட்டு தற்கொலை செய்து கொண்டிருக்கிறார். இதற்கான காரணத்தையும் வீடியோவில் அவர் தெரிவித்திருக்கிறார்.
இதையறித்து பதறிப்போன உறவினர்கள் கொடுத்த புகாரின் பேரில் போலீசார் சம்பவ இடத்திற்கு சென்று மூன்று பேரின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்திருக்கின்றனர். இதுகுறித்து வழக்குப்பதிவு செய்து மேற்கொண்டு விசாரணை நடத்தி வருகின்றனர் போலீசார்.
கருத்துகள்